Elton John kritikon politikanët britanik

Sir Elton John ka nxjerrë mllefin e tij për qeverinë britanike, duke thënë se politikanët në Mbretërinë e Bashkuar janë ‘të pabesë’.

Kryeministri britanik Gordon Brown ka mbetur me fytyrë të skuqur së fundi, për shkak të dyshimeve të keqpërdorimit të parave publike të disa politikanëve. Ndaj situatës së fundit politike atje ka reaguar edhe këngëtari Elton John.

“Është tragjike kur e humb besimin në secilin politikan. Më duket se askujt në sistemin britanik nuk mund t’i besoni për momentin dhe kjo është gjë e tmerrshme. Jam shumë i zhgënjyer me politikat në Britani”, ka thënë Elton John.