Carey kërkon falje për performacën ‘emocionuese’

Mariah Carey u ka kërkuar falje fansave për paraqitjen e saj të dobët në ceremoninë përkujtimore të Michael Jackson, duke thënë se ka qenë shumë e emocionuar.

Carey filloi ceremoninë me paraqitjen e saj duke performuar hitin e ‘Jackson 5’, “I'll Be There”, derisa fotografitë e Michael paraqiteshin në ekranin prapa skenës në Staples Center në Los Angeles.

“Të përpiqem të këndoj ishte thjesht e pamundshme për mua. Mezi e mbajta veten nga qarja. Më vjen keq që nuk isha në gjendje ta bëj si duhet, por isha e emocionuar kur e pashë Michael në ballë timin”, ka thënë Carey në faqen e saj në Twitter.