West dëshiron të bëhet yll tenisi

Kanye West raportohet se është i vendosur të bëhet kampion tenisi, pasi ka kërkuar nga kampionia e Wimbledonit, Serena Williams, ta ndihmojë atë në fushë.

Krijuesi i hitit “Stronger” thuhet se ka rënë në dashuri me sportin pasi kishte marrë një reket tenisi dhe tash i është drejtuar Williams ta mësojë atë të luajë me të.

Reperi është takuar me Williams në një ndejë në Wireless Festival në Londër gjatë këtij vikendi, ku ai e uroi tenisten për triumfin ndaj motrës së saj Venus në finalen e të shtunës, dhe më pas i ka kërkuar asaj t’i ndihmojë të ndërtojë karrierë si sportist.