Aniston pëson të fikët në xhirime

Jennifer Aniston ka pësuar të fikët në xhirimet e filmit të saj të ri “The Baster” që realizohet në New York, shkruajnë mediat amerikane.

Ish-aktorja e serisë “Friends”, 40-vjeçare, është duke bërë 14 orë punë në ditë që nga muaji mars, derisa xhiron filmin e ri.

“Ajo shpesh ulërin, ‘Kam nevojë për pauzë!’. Së fundi tha se kishte marramendje dhe ishte e trullosur. Ajo u ngut në rimorkion e saj për të pushuar dhe për ta rimarrë veten, por humbi ekuilibrin dhe po thuajse u përmbys”, ka thënë burimi për National Enquirer.

Aktorja së fundi është e vetmuar, pasi u nda nga i dashuri i saj, rokeri John Mayer.