Facebook për Windows Mobile - zyrtarisht!

Përdoruesit e sistemit operativ Windows Mobile kanë pritur gjatë për aplikacionin zyrtar të Facebook, i cili më në fund është paraqitur.

Duke pasur parasysh se kanë pritur shumë më gjatë se përdoruesit e sistemeve tjera operative, adhuruesit e Windows Mobile do të shpërblehen me një opsion shtesë, atë që drejtpërdrejt nga aplikacioni të ngarkojnë (upload) dosjet e tyre video në shërbimin e popullarizuar online - Facebook.

Opsionet standarde të cilat i sjell aplikacioni përfshijnë dërgimin e porosive tek personat nga lista e miqve, bartja e fotografive nga telefoni në Facebook, dërgim të porosive SMS apo ftesa e miqve në Facebook nga lista e miqve si dhe menaxhimi i materialeve në të në çfarëdo kohe dhe secili vend.