Timberlake shkruan libër për golfin

Ylli i muzikës pop, Justin Timberlake, ka angazhuar një agjent për ta ndihmuar atë të botojë një libër për golfin.

Libri thuhet se do të jetë një përmbledhje kujtimesh të cilat përshkruajnë ‘kohën e Timberlake në fushën e gjelbër dhe përvojat e tij të mbledhura me garues të ndryshëm’.

Nëse Justin publikon libër për këtë sport, ai nuk do të jetë i pari prej fytyrave të famshme që e bën këtë. Në vitin 2008 edhe rokeri Alice Cooper ka shkruar një libër të titulluar “Golf Monster: A Rock 'n' Roller's Life and 12 Steps to Becoming a Golf Addict”.

Justin tashmë disa herë ka treguar dashurinë e tij për golfin ndërsa u paraqit edhe në ballinën e një reviste golfi.

“Më ka pëlqyer të dal në ballinën e revistës Golf Digest. Nuk ju gënjej, e kam kryer. Nuk kam nevojë të bëj edhe ndonjë dalje në ballinë të ndonjë reviste tjetër”, ka thënë Timberlake.