Entermedia feston pesëvjetorin me katër promovime

Të enjten kompania mjaft e suksesshme Entermedia, e cila është e specializuar për video-produksion feston pesëvjetorin e themelimit të saj.

Kompania e cila merret me organizimin e evenimenteve të ndryshme, "Grand Events" është duke u kujdesur për organizmin e këtij manifestimi, i cili do të mbahet në “Sheshin 21” dhe do të jetë i hapur vetëm për të ftuarit.

Gjatë këtij evenimenti, Entermedia do të promovojë për herë të parë në Kosovë katër videoklipe përnjëherë.

Klipet të cilat do të promovohen janë “Hi Tech” (Elvana Gjata), “Me neve” (Da Ghost feat. Bizzy), “Miss You” (DJ Blunt feat. RealOne) dhe “Higher” (Blero feat. MC Kresha&Sloopa).