Shiten një milion iPhone 3G S

Përkundër interesimit më të vogël, Apple gjatë fundjavës ka arritur të shes një milion pajisje më të shpejta dhe më të pajisura - iPhone 3G S.

Apple raporton për fillimin e suksesshëm të shitjes së celularëve iPhone 3G S. Kompania për tri ditë ka arritur të shes një milion pajisje.

iPhone 3G S është më i shpejtë se paraardhësi i tij dhe ofron disa mundësi të reja, derisa me kontratë dyvjeçare kushton 199 dollarë për versionin prej 16 GB, respektivisht 299 dollarë për versionin prej 32 GB. Në të njëjtën kohë, Apple shënon edhe popullaritet të madh të sistemit operativ iPhone OS 3.0, të paraqitur po ashtu gjatë javës së kaluar.

Gjatë pesë ditëve nga fillimi i shpërndarjes, sistemin e ri operativ e kanë shkarkuar rreth gjashtë milionë përdorues.